ՌԴ-ում զարգացումները՝ Էրդողան-Ստոլտենբերգ զրույցի թեմա

Թուրքիայի նախագահ Ռեջեփ Թայիփ Էրդողանը հեռախոսազրույց է ունեցել ՆԱՏՕ-ի գլխավոր քարտուղար Յենս Ստոլտենբերգի հետ, որի ընթացքում քննարկել են Ռուսաստանում իրավիճակի զարգացումը «Վագներ» ՌՄԿ-ի գործողությունների ֆոնին։ Այս մասին հայտնում է թուրքական պետության ղեկավարի գրասենյակը։

«Բանակցությունների ընթացքում քննարկվել են Ռուսաստանի վերջին զարգացումները։ Նշվել է, որ Ռուսաստանում լարվածության թուլացումը կանխել է անդառնալի հումանիտար աղետները ուկրաինական ասպարեզում»,- ասվում է գրասենյակում։ Բացի այդ, Հյուսիսատլանտյան դաշինքի գլխավոր քարտուղարը և Թուրքիայի ղեկավարը քննարկել են Շվեդիայի՝ դաշինքին անդամակցելու հարցը։

Անկարան դրական է վերաբերվում ՆԱՏՕ-ին սկանդինավյան պետության անդամակցությանը, «սակայն օրենսդրական փոփոխություններն անիմաստ են, քանի դեռ Քրդստանի աշխատավորական կուսակցության կողմնակիցներն ազատորեն ակցիաներ են կազմակերպում Շվեդիայում», - ասվում է Էրդողանի գրասենյակի տարածած հայտարարության մեջ: