Արարատի գործարաններից մեկից 300 կգ պղինձ են գողացել
Այսօր մենք գրել էինք, որ Արարատ քաղաքում ոստիկանությունը ուժեղացված ծառայություն էր իրականացնում. անխտիր ստուգում էին բոլոր ավտոմեքենաները` քաղաք մտնող եւ ելնող, ինչպես նաև քաղաքում էր նման աժիոտաժ։
Արարատի բնակիչներից մեզ փոխանցեցին, որ չեն հիշում` վերջին անգամ երբ էին նման ստուգումներ արել։ Նշեցին նաեւ, որ դրա պատճառն այն է, որ այսօր Արարատում գտնվող գործարաններից մեկից գողացել են 300 կգ պղինձ, ոստիկանությունն էլ իր հերթին փորձում է գտնել գողին։
Նշենք, որ ոստիկանությունից մեր հարցին չպատասխանեցին, թե արդյոք ճի՞շտ է, որ ուժեղացված ծառայության պատճառը տեղի ունեցած գողությունն է,միայն նշել էին, որ ծառայություն է իրականացվում, ստուգվում են վարորդների փաստաթղթերն ու մեքենաները։
Կարծիքներ