Տոկաևը լավատեսություն ունի հայ-ադրբեջանական հարաբերությունների հարցում
Ղազախստանի նախագահ Կասիմ-Ժոմարտ Տոկաևն ասել է, որ ողջունում է Ալմաթիում արտգործնախարարների մակարդակով բանակցություններ վարելու՝ Հայաստանի և Ադրբեջանի համաձայնությունը։
«Ողջունում եմ Հայաստանի և Ադրբեջանի համաձայնությունը՝ ղազախական կողմի առաջարկով արտաքին գործերի նախարարների միջև բանակցություններ վարելու երկու պետությունների միջև խաղաղության պայմանագրի նախապատրաստման շուրջ»,- ասված է նրա անունից հրապարակված հայտարարության մեջ, որը մեջբերել է պետության ղեկավարի մամուլի ծառայությունը։
Խորհրդանշական է, որ այս կարևոր իրադարձությունը տեղի կունենա Ալմաթիում, որտեղ 1991 թվականի դեկտեմբերին ստորագրվեց պատմական Ալմա-Աթայի հռչակագիրը, որը ստեղծեց ԱՊՀ երկրների անկախ զարգացման հիմքերը և հաստատեց միջպետական սահմանների որոշման սկզբունքները, նշել է Ղազախստանի նախագահը։
«Կարծում եմ՝ առաջիկա հանդիպումը կծառայի հայ-ադրբեջանական պայմանավորվածությունների գործնական իրականացմանը և կնպաստի Հարավային Կովկասում ամուր և երկարաժամկետ խաղաղության շուտափույթ հաստատմանը»,- ասել է Տոկաևը։
Կարծիքներ