Բաց նամակ ՀԱՊԿ և ԵՎՐԱԶԵՍ Ակադեմիայի ռեկտոր Մհեր Շահգելդյանին
Պարոն Շահգելդյան,
Չէինք ցանկանում այս հարցը հրապարակային դարձնել կամ քաղաքականացնել, բայց այլ ելք չունենք, քանի որ Դուք և Ձեր շեֆն արդեն քանի ամիս է խաբում եք Մեզ:
Հիշեցնենք, որ Ձեր ղեկավարած ՀԱՊԿ և ԵՎՐԱԶԵՍ ակադեմիայում մեկ ու կես ումնական տարի (2017-18) դասավանդած հանրապետության լավագույն բուհերի դասախոսներն, աշխատել են անմարդկային պայմաններում՝ 7 աստիճան ջերմաստիճանում, սակայն երբեք չենք գնահատվել: Ոչ միայն չենք գնահատվել Ձեր կողմից, այլև այդ ամիսների ընթացքում չենք վարձատրվել:
Նշենք, որ ՕԵԿ նախագահ՝ Արթուր Բաղդասարյանի վատ ղեկավարման ու կուտակված պարտքերի արդյունքում՝ ի վերջո ՀԱՊԿ և ԵՎՐԱԶԵՍ ակադեմիան կագնեց փակման շեմին, ինչի հետևանքով էլ մարդիկ մնացին անգործ:
Բազմաթիվ ուսանողներ, թե՛ Հայաստանից, և թե՛ արտերկրից ժամանած, ովքեր եկել էին սովորելու՝ հայտնվեցին դրսում: Նրանցից շատերն արդեն վճարել էին այս տարվա վարձավճարները, բայց ահա ուսումնական տարվա կեսին հայտնվել են անելանելի վիճակում:
Բազմիցս դիմել ենք Ձեզ և Ձեր ղեկավար՝ Արթուր Բաղդասարյանին, որպեսզի վերադարձնեք այն գումարները, որոնք արդար քրտինքով վաստակել ենք, սակայն ոչ մի արձագանք, և ոչ մի լուծում չեք առաջարկել:
Մեր համբերությունն արդեն սպառվել է և այլևս չենք ուզում լռել ու աչք փակել՝ փորձելով մտնել Ձեր դրության մեջ:
Մենք բոլորս միաձայն պահանջում ենք մեր աշխատանքի դիմաց հասանելիք Մեր գումարը:
Պահանջում ենք՝ մինչև սույն թվականի դեկտեմբերի 1-ը վճարել Մեր աշխատավարձները: Հակառակ դեպքում, ստիպած կլինենք դիմել պատկան մարմիններին՝ մեզ հասանելի գումարը ստանալու ակնկալիքով:
Հույս ունենք, որ այս հարցը նշված ժամկետներում կլուծվի և ստիպված չենք լինի առնչվել երկու կողմերիս համար էլ ոչ այնքան պատվաբեր գործընթացին:
Հ. Գ Պարոն Շահգելդյան, Դուք ինքներդ էլ շատ լավ գիտեք, որ այս ամենի մեղավորը Արթուր Բաղդասարյանն է: Բաղդասարյանի խաբեության զոհերից մեկը հենց Դուք եք եղել: Բոլորս էլ տեղյակ ենք, որ Դուք տարիներ առաջ Բաղդասարյանի և իր ՕԵԿ-ի պատճառով գրավադրել եք Ձեր սեփական բնակարանը, և այժմ կանգնած եք այն կորցնելու շեմին: Դուք ինքներդ բազմիցս դիմել եք Բաղդասարյանին, սակայն ապարդյուն՝ հարցը տարիներ շարունակ մնացել է օդում կախված:
Տարիներ շարունակ եղել եք նրա կողքին, աջակցել եք նրան, եղել եք նրա ընկերը, և եթե նա չխնայեց իր ընկերոջն ու թիմակցին, ապա ինչպես կվարվի Մեզ և Մեր նմանների հետ:
ՀԱՊԿ և ԵՎՐԱԶԵՍ Ակադեմիայի դասախոսական կազմ՝
-
Թ. Մանասերյան
-
Ա. Մինասյան
-
Ս. Հովհաննիսյան
-
Գ. Բալասանյան
-
Ա. Արամյան
-
Ֆ. Պողոսյան
-
Լ. Ստեփանյան
-
Մ. Ավագյան
-
Գ. Հովհաննիսյան
-
Ա. Գալանտերյան
-
Ա. Սարգսյան
-
Ա. Եսայան
-
Յ. Մուրադյան
-
Կ. Պանչուլազյան
-
Գ. Համբարձումյան
-
Հ. Բալյան
-
Ա. Թավադյան
-
Մ. Եղիազարյան
-
Ա. Գասպարյան
-
Մ. Գևորգյան
-
Գ. Ջագարյան
-
Ա. Մկրտումյան
-
Գ. Գասպարյան
-
Ա. Ավետիսյան
-
Ռ. Շահինովա
-
Ս. Պետրոսյան
-
Ն. Հարությունյան
-
Լ. Մանուկյան
Կարծիքներ