Այս պահին նման որոշում չկա
Իշխող «Քաղաքացիական պայմանագրում» բուռն քննարկումներ են ընթանում, որոշվում են ԱԺ հանձնաժողովների կազմերը։ Ինչպես մեզ հաղորդեց ՔՊ մամուլի խոսնակ Վահան Կոստանյանը, «Իմ քայլը» դաշինքին բաժին է ընկել 7 հանձնաժողով, նախագահների անունները, կարծես թե, որոշված են, սակայն Կոստանյանը նշեց, որ մի քանի օրից նոր հստակ կհայտարարեն․ «Շոշափելի որոշումներ կան, կարծում եմ՝ մոտակա 2-3 օրվա ընթացքում նոր հայտարարություններ էլ կլինեն։ Բոլոր 10 հանձնաժողովները մերը չեն։ 7-ը պետք է բաժանվի «Իմ քայլը» դաշինքին, 2-ը՝ ԲՀԿ-ին, 1-ը՝ «Լուսավոր Հայաստանին»։
Հարցրինք, թե պատվիրակությունների անդամներին, օրինակ՝ ԵԽԽՎ, արդեն որոշե՞լ են․
«Աշխատում ենք այս պահին։ Պետք է առաջին նիստից հետո ԱԺ խորհրդի նիստը հաստատի ԵԽԽՎ պատվիրակությունը, որպեսզի մեր նոր պատվիրակությունը կարողանա մասնակցել եկող նստաշրջանին»,- ասաց Կոստանյանը։
Տեղեկություններ ունեինք, որ Վահան Կոստանյանը կտեղափոխվի ԱԺ և կնշանակվի ԱԺ աշխատակազմի ղեկավարի պաշտոնում։ Այս մասով նա ասաց, որ նման քննարկում և որոշում դեռ չկա։
Կարծիքներ