Փորձել են «ժուչոկ» տեղադրել Բագրատ Սրբազանի սենյակում․ մանրամասներ

Քիչ առաջ միջադեպ է եղել «Ani Grand Hotel Yerevan» հյուրանոցում՝ Բագրատ Սրբազանի համարում։

Ինչպես հայտնում է «Ազգային ճակատ»-ը, գտնվելով սենյակում՝ Սրբազանն ու նրա կողմնակիցները լսել են, թե ինչպես է ներքևի հարկից ինչ-որ մեկը ծակում սենյակի հատակը, որպեսզի անցքից լսող  սարք տեղադրի Սրբազանի սենյակում։

«Բագրատ Սրբազանի աջակիցները շտապ տեղեկացրել են այդ մասին հյուրանոցի ղեկավարությանը և իջել ներքևի հարկ, որպեսզի հասկանան, թե ինչ է տեղի ունենում։ Ներքևի համարում գտնվող, ըստ ամենայնի, ԱԱԾ աշխատակիցը  երկար ժամանակ չի բացել դուռը։ Սրբազանի աջակիցները հսկողություն են սահմանել այդ սենյակի մոտ, որպեսզի հասկանան, թե ով է փորձում լսող  սարք տեղադրել Բագրատ Սրբազանի սենյակում։

Քիչ անց նույն վայր են եկել ոստիկանության և ԱԱԾ բազում աշխատակիցներ, որոնց մեջ էր նաև Կենտրոնի Ոստիկանության պետի պաշտոնակատարը։ Նրանք նշված սենյակից դուրս են բերել տեսանյութում պատկերված կնոջը և արագ հեռացել հյուրանոցից։

ԱԱԾ և իրավապահ համակարգի այս ոչ պրոֆեսիոնալ, կարելի է ասել՝ փնթի աշխատանքն արդեն իսկ բազում խնդիրներ է առաջացրել մեր երկրի համար։

Եվս մեկ անգամ հորդորում ենք իրավապահներին ու ԱԱԾ-ին մնալ իրենց գործառույթների սահմաններում և չդառնալ Նիկոլ Փաշինյանի բութ գործիքը»,- նշել է «Ազգային ճակատ»-ը։