Վարչապետին ներկայացրին «Բեկոն Պրոդուկտի» հաջողության պատմությունը
Ծաղկաձորում կայացած «Իմ քայլը հանուն Կոտայքի մարզի» տնտեսական համաժողովի ժամանակ վարչապետին և մյուս հյուրերին իրենց հաջողության պատմությունը ներկայացրեց «Բեկոն Պրոդուկտ» ընկերության գործադիր տնօրեն Դավիթ Մարգարյանը: Նա, ողջունելով ներկաներին, ասաց, որ գրեթե երկու տարի է՝ ղեկավարում է ընկերությունը, սակայն գիտակցական տարիքից սկսած՝ տեսել է, թե ինչպես է ընկերությունը հաստատակամ քայլերով փոքր ձեռնարկությունից կամաց-կամաց դառնում շուկայի առաջատար և խոշոր ընկերություններից մեկը:
«Բեկոնն այսօր աչքի է ընկնում
հզոր արտադրամասով,
ժամանակակից տեխնոլոգիաներով,
որակավորված և բանիմաց մասնագետներով,
ընտանեկան ջերմությոամբ,
արդյունաբերական արտադրության ճշգրտությամբ:
Մենք ստեղծում ենք բարձրակարգ մսամթերք անսասան համոզմամբ, որ անհնարին ոչինչ չկա և ամեն ինչ սկսվում է հենց փոքր քայլերից»,-ասաց Դավիթ Մարգարյանը:
Նրա խոսքով՝ դեռևս 24 տարի առաջ «Բեկոն Պրոդուկտ» ընկերությունում աշխատում էր 3 աշխատակից, աշխատանքային տարածքը չէր գերազանցում 50 քմ տարածքը. «Այսօր իրավիճակը միանգամայն այլ է. Բեկոնը մեծ ընտանիք է, որի գործունեության հիմքում անվերջ կատարելագործման համոզմունքն է:
Խոսելով ընկերության առջև ծառացած մարտահրավերներից՝ Դավիթ Մարգարյանը նշեց, որ այսօր իրենց նպատակն է արտահանման ծավալների ընդլայնումը, որին իրենք գնում ենք ինքնուրույն քայլերով:
Կարծիքներ