Ի՞նչ ունեցվածքի տեր են Կոտայքի մարզպետարանի պաշտոնյաները
Պաշտոնյանների 2019 թվականի գույքի, եկամուտների և շահերի տարեկան հայտարարագրեր ներկայացնելու գործընթացի վերջնաժամկետը մայիսի 31-ն էր: Ի՞նչ ունեցվածք են հայտարարագրել Կոտայքի մարզպետարանի պաշտոնյաները:
2018թվ-ի Կոտայքի մարզպետ Ռոմանոս Պետրոսյանը հայտարարագրել է բազմաբնակարան բնակելի շենքում ֆիզիկական անձանց բնակության համար նախատեսված 2 բնակարան, հողամաս և «BMW X5 3.0 I» մանկիշի մարդատար մեքենա։ Նա հայտարարագրել է նաև 60000 դրամ արժողությամբ բաժնեմաս, հանձնած փոխառությունները կազմում են 300 000 ՀՀ դրամ։
Կոտայքի մարզպետի դրամական միջոցները կազմել են 350 000 դրամ, իսկ եկամտի չափը՝ 588 228 ՀՀ դրամ։
2019թվ.-ին Պետրոսյանը օտարում է միանձնյա սեփականություն հանդիսացող բնակարանը՝ 17մլն. 800հազար ՀՀ դրամով եւ Երեւանի Արաբկիր վարչական շրջանում գնում է բնակարան՝ 51մլն. 357հազար 225 ՀՀ դրամ արժողությամբ: Մարզպետի եկամուտները՝ աշխատանքի վարձատրություն և /կամ դրան հավասարեցված այլ վճարումներ/ ՀՀ Կոտայքի մարզպետարանից կազմում են 11մլն. 522հազար 445 ՀՀ դրամ:
Մարզպետի տեղակալ Առնակ Ավետիսյանը 2018թվականին 28մլն. 392 հազար ՀՀ դրամով ձեռք է բերել բնակարան: Եկամուտները հարկային տարում կազմել են՝ 34մլն. 054 հազար 658 ՀՀ դրամ:
2019 թվականին փոխմարզպետը ձեռք է բերում 2011թվ.-ի արտադրության VOLKSWAGEN մարդատար ավտոմոբիլային տրանսպորտի միջոցը՝ 4հազար 950 ԱՄՆ դոլար արժողությամբ: Դրամական միջոցները տարվա սկզբին 0 դրամ է եղել, տարվա վերջում՝ 132.834 ՀՀ դրամ: Եկամուտները՝ աշխատանքի վարձատրություն Կոտայքի մարզպետարանից՝ 9 մլն. 629հազար 255 ՀՀ դրամ, նվիրատվության կամ օգնության կարգով ստացված գույքը, դրամական միջոցները բացառությամբ աշխատանքի, ծառայության տեսքով ստացած կազմում են՝ 2մլն. 375հազար ՀՀ դրամ:
Կոտայքի մարզպետի տեղակալ Վասակ Վարդանյանը 2018թվականին հայտարարագրել
4մլն. 749հազար 149 ՀՀ դրամի եկամուտ եւ 4 հողամաս: 2019թվ.-ին Վարդանյանը 10մլն 575 հազար ՀՀ դրամով Հրազդան քաղաքում բնակարան է գնել եւ 21 հազար ԱՄՆ դոլարով ձեռք է բերել 2013թվ.-ի JEEP մարդատար ավտոմոբիլային տրանսպորտի միջոցը: Դրամական միջոցները տարվա վերջում կազմել են
91հազար 693 ՀՀ դրամ: Աշխատանքի վարձատրություն և/կամ դրան հավասարեցված այլ վճարումներ/ կազմում են՝ 9մլն. 630հազար 365 հազար ՀՀ դրամ:
Մարզպետի խորհրդականը Արտավազդ Բարսեղյանը հայտարարագրել է մեկ բնակարան Աբովյան քաղաքում: 2019թվականին ձեռք է բերել 2016թվ.-ի արտադրության HYUNDAI մարդատար ավտոմեքենա՝ 4հազար 208 ԱՄՆ դոլար արժողությամբ: Նույն տարում էլ օտարել է 2000թվ.-ի MERCEDES-BENZ ավտոմեքենան՝ 700.000 ՀՀ դրամով:
Դրամական միջոցները տվյալ տարվա սկզբում՝ 3մլն. 748հազար 742 ՀՀ դրամ, տարվա վերջում՝ 81հազար ՀՀ դրամ եւ 2 հազար 900 ԱՄՆ դոլար: Կենսաթոշակը՝ 1մլն 495հազար 440 ՀՀ դրամ, աշխատանքի վարձատրություն և/կամ դրան հավասարեցված այլ վճարումներ ՀՀ Կոտայքի մարզպետարանում՝ 3մլն. 774հազար. 619 ՀՀ դրամ: Աշխատանքի վարձատրություն ՀՀ վարչապետի աշխատակազմ՝ 1մլն. 332հազար 255ՀՀ դրամ,
Նվիրատվության կամ օգնության կարգով ստացված գույքը, դրամական միջոցները (բացառությամբ աշխատանքի, ծառայության տեսքով ստացած՝ 2,900.00ԱՄՆ դոլար:
Կոտայքի մարզպետարանի աշխատակազմի ղեկավար՝ Լեւոն Պետրոսյանի եկամուտները հարկային տարում կազմել է 6մլն. 388 հազար 718ՀՀ դրամ: 2019թվ.-ին նա հայտարարագրել է բնակարան Եղվարդ քաղաքում, հողամասեր՝ Եղվարդ, Սոլակ, Պռոշյան, Արտավազ, Աղավնաձոր համայնքներում, 3 մարդատար ավտոմոբիլային տրանսպորտի միջոց՝ 1984թվ.-ի արտադրության VAZ, 1991թվ.-ի արտադրության FORD 2003թվ-ի MITSUBISHI: Դրամական միջոցները տարվա վերջում ՝ 622 հազար ՀՀ դրամ, աշխատանքի վարձատրություն և/կամ դրան հավասարեցված այլ վճարումներ՝ 9մլն 208հազար 312 ՀՀ դրամ
Մարզպետի օգնական՝ Արեգ Պապյանը 2019թվ.-ին ձեռք է բերել 2010 CHEVROLET մարդատար ավտոմոբիլային տրանսպորտի միջոց՝ 3.000.0 ԱՄՆ դոլար արժողությամբ: Աշխատանքի վարձատրություն և/կամ դրան հավասարեցված այլ վճարումներ՝ 2մլն. 172հազար 473 ՀՀ դրամ:
Կարծիքներ