Հայտարարել են Ռուսաստանի հետ ունեցած ռազմական համարժեքության մասին 

Ուկրաինայի նախագահի գրասենյակի ղեկավարի խորհրդական Ալեքսեյ Արեստովիչը հայտարարել է, որ Ռուսաստանը չունի ռազմական առավելություն, ուկրաինական ռազմական հզորության համեմատությամբ։ Նա կարծիք է հայտնել, որ երկու երկրների միջեւ առկա է ռազմական համարժեքություն։

«Ռուսաստանը չունի վճռական առավելություն մեր հանդեպ, նման բան չկա եւ չի լինի։ Ռուս գեներալները պրոֆեսիոնալներ են, եւ կարծում եմ, որ դա հասցնում են իրենց քաղաքական ղեկավարությանը»,- «Украина 24»-ի եթերում հայտարարել է Արեստովիչը։

Նա վստահություն է հայտնել, որ ռազմական բախման դեպքում ռուսական բանակը կկորցնի իր մարտունակությունը մի քանի տարով։ Այս ամենով հանդերձ, ուկրաինական իշխանությունների ներկայացուցիչը չի մանրամասնել, թե ինչի վրա է հիմնված իր կարծիքը։