Ռուսները կհեռացվեն Օլիմպիական խաղերից, եթե ծածածեն Z դրոշը․ ՄՕԿ
Hraparak
27 Ապրիլ 2024 | 20:00
0
Կարգապահական ընթացակարգը, որը սպառնում է դուրս թողնել ռուս մարզիկներին Օլիմպիական խաղերին մասնակցելուց, ուժի մեջ կմտնի այն ժամանակ, երբ նրանք ցուցադրեն Z խորհրդանիշը, AFP-ին տված հարցազրույցում ասել է Միջազգային օլիմպիական կոմիտեի (ՄՕԿ) նախագահ Թոմաս Բախը։
Հարցազրույցի ընթացքում Բախն ընդգծել է, որ «քաղաքական շքերթները դեռևս արգելված են ինչպես մրցումներում, այնպես էլ բեմահարթակներում»։
Միևնույն ժամանակ, նա հայտարարել է, որ եթե ռուս մարզիկները «ծածանեն դրոշը կամ նկարեն» Z տառը, որը Բախն անվանել է «ներխուժման խորհրդանիշ», ապա «նրանց նկատմամբ կարգապահական վարույթ կհարուցվի» ընդհուպ՝ «անհապաղ». խաղերից դուրս մնալը»։
Հիշեցնենք, որ Փարիզի ամառային օլիմպիական խաղերը կկայանան 2024 թվականի հուլիսի 26-ից օգոստոսի 11-ը։ Ռուսաստանի օլիմպիական հավաքականին թույլ չեն տվել մասնակցել Ֆրանսիայում կայանալիք Օլիմպիական խաղերին։ Միաժամանակ ՄՕԿԸ-ը ռուսներին թույլատրել է խաղերին մասնակցել անհատական չեզոք կարգավիճակով՝ մի շարք չափանիշներով։ Չեզոք մարզիկների համար հաստատվել է հատուկ դրոշ և հիմն։ Ռուսներին թույլ չեն տա մասնակցել բացման արարողությանը մարզիկների շքերթին, իսկ նրանց մրցանակները չեն ցուցադրվի մեդալների աղյուսակում։ Որակավորման մրցումներին մասնակցության սահմանափակումների պատճառով խաղերին կարող է մասնակցել առավելագույնը 55 ռուսաստանցի։
Ռուսաստանի նախագահ Վլադիմիր Պուտինը ավելի վաղ ասել էր, որ «միջազգային պաշտոնյաները խեղաթյուրում են օլիմպիական շարժման իմաստը և խարխլում միջազգային սպորտի հիմքերը»:
Հավելենք, որ լատինական Z և V տառերը նշված են 2022 թվականի փետրվարի 24-ից ի վեր հատուկ ռազմական գործողությանը մասնակցող ռուսական զինտեխնիկայի վրա։ Այդ ժամանակից ի վեր Z տառը դարձել է Ուկրաինայում ՌԴ հատուկ գործողության աջակցության ոչ պաշտոնական խորհրդանիշ:
Կարծիքներ