Բայրամովը դրական սպասումներ ունի Միրզոյանի հետ կայանալիք հանդիպումից
Ադրբեջանի ԱԳՆ ղեկավարը վստահ է, որ Հայաստանի հետ այսօրվա բանակցությունները կնպաստեն կարգավորման գործընթացին։
Ինչպես հաղորդում է ԱՊԱ-ն, Ջեյհուն Բայրամովը Ղազախստանի իր գործընկերոջ հետ այսօրվա հանդիպման ժամանակ համոզմունք է հայտնել, որ Ադրբեջանի և Հայաստանի սահմանազատման հանձնաժողովների միջև ձեռք բերված վերջին պայմանավորվածության ֆոնին այսօրվա բանակցությունները կնպաստեն կարգավորման գործընթացին։
Խոսելով հետկոնֆլիկտային շրջանում տարածաշրջանում առկա իրավիճակի, հնարավորությունների և մարտահրավերների մասին՝ Ադբեջանի արտգործնախարարը շնորհակալություն է հայտնել ղազախական կողմին Հայաստանի և Ադրբեջանի միջև երկկողմ խաղաղության գործընթացի խթանմանն ուղղված աջակցության և գործունեության համար։
Հավելենք, որ մի քանի ժամից Ալմաթիում կսկսվեն Արարատ Միրզոյանի և Ջեյհուն Բայրամովի բանակցությունները։
Կարծիքներ