Հաջորդ տարվանից ՀՀ քաղաքացիները երկիրը լքելիս անձնագրերում ելքի վիզայի կարիք չեն ունենա
Կարեն Մարտիրոսյան
22 Սեպտեմբեր 2023 | 11:11
0
Կառավարության հերթական նիստում քիչ առաջ ՆԳ փոխնախարար Արփինե Սարգսյանը տեղեկացրեց, որ առաջարկվում է ուժը կորցրած ճանաչել ելքի վիզային վերաբերող օրենսդրական բոլոր դրույթները։
«Հաշվի առնելով այն հանգամանքը, որ սա ներպետական ընթացակարգին չի վերաբերում, այլ օտար երկրների հետ հարաբերություններին, ԱԳՆ-ի համար եռամսյա ժամկետ ենք սահմանել իրազեկման համար, որ օտարերկրյա պետությունները այս պահանջը հանելու հետ կապված իրազեկ լինեն, և քաղաքացիները օտարերկրյա պետությունների սահմանային անցման կետերում այս առումով խնդիրների չբախվեն»,- Արփինե Սարգսյանը։
Այսպիսով, 2024թ. հունվարի 1-ից այլևս ՀՀ քաղաքացիները երկիրը լքելիս անձնագրերում ելքի վիզայի կարիք չեն ունենա։
Կարծիքներ