Արփի Ոսկանյանը Հանրային հեռարձակողի խորհրդի անդամ է ընտրվել

Այսօր կայացել է Հանրային հեռարձակողի խորհրդի անդամի  թափուր տեղի համալրման մրցութային ժամանակավոր հանձնաժողովի նիստը, որին մասնակցում էին հանձնաժողովի հինգ անդամները՝ Մարկ Գրիգորյանը (մրցութային հանձնաժողովի նախագահ), Սոնա Հովհաննիսյանը, Անահիտ Աստոյանը, Էմին Թորոսյանը և Նաղաշ Մարտիրոսյանը։

Հանրային հեռարձակողի խորհրդի անդամների թափուր տեղի համար հայտ էին ներկայացրել երեք հոգի՝

1.   Անահիտ Ասատրյան,

2.  Օֆելյա Ասատրյան,

3.  Արփի Ոսկանյան։

Մրցութային հանձնաժողովը հաղթողին որոշելու նպատակով կատարել է քվեարկություն, որի արդյունքում «ԳՐՈՂ» գրական, մշակութային հիմնադրամի տնօրեն Արփի Ոսկանյանը 5 (հինգ) կողմ ձայնով ընտրվել է Հանրային հեռարձակողի խորհրդի անդամ:

«Տեսալսողական մեդիայի մասին» օրենքով սահմանված կարգով հաղթող մասնակցի մասին որոշումը կներկայացվի ՀՀ վարչապետի հաստատմանը:

ՀԳ․ Նկատենք, որ Արփի Ոսկանյանը վերջին տարիներ աչքի է ընկել պրոիշխանական հայացքներով, նա մշտապես արդարացնում է իշխանականների սխալներն ու բացթողումները, իսկ ընդդիմության հասցեին հանդես գալիս սուր քննադատությամբ: