Արցախում ցույցեր են, ոստիկանությունը բիրտ ուժ է կիրառել

Արցախում ցույցեր են ընթանում, ցուցարարները նշում են, որ պայքարում են «ռեժիմի վերարտադրման դեմ», ոստիկանությունը ուժ է կիրառել ցուցարարների դեմ։

Հ.Գ. Նյութը հրապարակում էինք, երբ տարածվեց Արցախի ոստիկանության պարզաբանումը։

Վարչական իրավախախտումների վերաբերյալ, օրենսգրքի 182-րդ հոդվածի համաձայն, ոստիկանության ծառայողի օրինական պահանջը չկատարելու հիմքով 20.02.2020թ.-ին ժամը 18:55-ին Ստեփանակերտում վարչական ձերբակալման են ենթարկվել 8 քաղաքացիներ, որոնք սահմանված ժամկետը լրանալուն պես ազատ են արձակվել (ժամը 21:50-ին):

Հարուցվել է վարչական վարույթ նշված օրենսգրքի 182-րդ հոդվածի պահանջները չկատարելու հիմքով՝ հասարակական կարգի պահպանության, հասարակական անվտանգության ապահովման, օբյեկտների պահպանության պարտականությունները կատարելու ընթացքում ոստիկանության ծառայողի օրինական պահանջը չկատարելն առաջացնում է տուգանքի նշանակում:

Հարուցված վարչական վարույթի շրջանակում ստուգումներ են իրականացվում, ճշտվում են դեպքի վերաբերյալ որոշ հանգամանքներ: