Ռուսաստանի եւ Ադրբեջանի վարչապետները հեռախոսազրույց են ունեցել․ ինչ հարցեր են եղել օրակարգում
Ռուսաստանի կառավարության մամուլի ծառայությունը տեղեկացնում է, որ հեռախոսազրույց է տեղի ունեցել Ռուսաստանի վարչապետ Միխայիլ Միշուստինի եւ Ադրբեջանի վարչապետ Ալի Ասադովի միջեւ։ Երկու վարչապետները քննարկել են տարբեր ոլորտներում հեռանկարային համատեղ նախագծերի իրականացումը:
Մոսկվայի տարածած հաղորդագրության մեջ ասվում է, որ «կառավարությունների ղեկավարները քննարկել են ռուս-ադրբեջանական առեւտրատնտեսական համագործակցության արդիական հարցերը, տարբեր ոլորտներում հեռանկարային համատեղ նախագծերի իրականացումը»:
Ռուսաստանի եւ Ադրբեջանի վարչապետները անդրադարձել են նաեւ կառավարական գծով առաջիկա շփումների ժամանակացույցին:
Կարծիքներ