Անբարո քայլ է․ Կիևը՝ ԱՊՀ ղեկավարների՝ Մայիսի 9-ի շքերթին մասնակցելու մասին
Hraparak
9 Մայիս 2023 | 21:30
0
Ուկրաինայի արտաքին գործերի նախարարությունը ոչ բարեկամական քայլ է անվանել Հայաստանի, Ղազախստանի, Ղրղզստանի, Տաջիկստանի, Թուրքմենստանի և Ուզբեկստանի ղեկավարների մասնակցությունը Հայրենական մեծ պատերազմում հաղթանակի 78-րդ տարեդարձի կապակցությամբ Մոսկվայում կայացած տոնակատարություններին։
«Մենք այս պետությունների ղեկավարների մասնակցությունը հրապարակային միջոցառմանը դիտարկում ենք որպես ոչ բարոյական և ոչ բարեկամական քայլ Ուկրաինայի նկատմամբ, ինչպես նաև արհամարհանքի դրսեւորում ուկրաինացի ժողովրդի նկատմամբ»,- ասվում է Ուկրաինայի ԱԳՆ կայքում հրապարակված հայտարարության մեջ։
Միաժամանակ, գերատեսչությունից նշել են, որ Կենտրոնական Ասիայի և Կովկասի ժողովուրդներն անգնահատելի ներդրում են ունեցել 78 տարի առաջ նացիզմի դեմ տարած հաղթանակում։
«Նրանք արժանի չեն այն ճակատագրին, որ այժմ Կրեմլը օգտագործի կեղծ ակցիային մասնակցելու համար, որը ոչ մի կապ չունի նացիզմի դեմ հաղթանակածների սխրանքի հետ»,- նշել են Ուկրաինայի դիվանագիտական գերատեսչությունում։
Ի դեպ, հայտարարության մեջ չի նշվում Բելառուսի նախագահ Ալեքսանդր Լուկաշենկոյի մասին, ով նույնպես մասնակցել է Մոսկվայում տեղի ունեցած Հաղթանակի շքերթին։
Կարծիքներ