Կարմրուկով հիվանդացության դեպքերը կտրուկ ավելացել են․ ԱՀԿ 

Առողջապահության համաշխարհային կազմակերպությունը հայտարարել է, որ Եվրոպական ռեգիոնում կարմրուկով հիվանդացության դեպքերը ավելացել են 30 անգամ։ Ըստ հաղորդման, 2023 թվականին, ռեգիոնի 53 երկրից 40-ում արձանագրվել է կարմրուկով հիվանդացության ավելի քան 30 հազար դեպք, այն դեպքում, երբ 2022 թվականին այդ ցուցանիշը եղել է 941։ Մոտ 21 հազար մարդ հոսպիտալացվել է, հինգ մարդ մահացել է։

Նշվում է, որ կարմրուկով վարակման դեպքերը արձանագրվել են աշխարհի բազմաթիվ երկրներում, որտեղ այն համարվել է լիկվիդացված։ Սրանով պայմանավորված, ԱՀԿ-ն կոչ է արել եվրոպական երկրներին կարմրուկի դեմ պատվաստել երեխաների ավելի քան 95 տոկոսին։