Այս օրինագիծը կազմվել է 3-րդ դրդապատճառով
«Մեդիա պաշտպան» նախաձեռնությունը մեդիաոլորտի ներկայացուցիչների մասնակցությամբ քննարկում է կազմակերպել «Հեռուստատեսության և ռադիոյի մասի» օրենքի նոր նախագծի վերաբերյալ: Բանախոսներն են Հայաստանի ժուռնալիստների միության նախագահ Սաթիկ Սեյրանյանը, «Երկիր Մեդիա» հեռուստաընկերության տնօրեն Դավիթ Հակոբյանը, «Արմնյուզ FM» ռադիոկայանի տնօրեն Լիկա Թումանյանը, մասնակցում են ոլորտի այլ ներկայացուցիչներ:
Թումանյանը, անդրադառնալով օրենքի նախագծին՝ նախ ասաց, որ նախագիծ կազմելու 3 դրդապատճառ կա. առաջինը՝ երբ ոլորտի մասնագետները զգում են, որ գործող օրենքով իրենց համար աշխատելը ավելի դժվար է, և օրենսդրական փոփոխությունների արդյունքում ոլորտի բարելավում տեղի կունենա, երկրորդը՝ երբ իշխանությունները փորձում են քաղաքական իրողություններ ստեղծել, կազմում են օրենքի նախագծեր, սակայն դա քննարկում են ԶԼՄ ներկայացուցիչների հետ, երրորդը՝ երբ օրենքի նախագիծ է գրվում ինքնանպատակ, երբ որոշ աղբյուրներից դրամական միջոցներ են տրամադրվում և մի քանի ՀԿ ինքնանպատակ փորձում է օրենքի նախագիծ ներկայացնել, որ պարզապես ասի, թե ոլորտը բարելավվել է:
Թումանյանի խոսքով՝ այս նախագիծը կազմվել է հենց 3-րդ սկզբունքով: Թումանյանը նաև, որպես ռադիոկայանի տնօրեն նշում է, որ այս օրենքի կարիքը դեռևս չկա, քանի որ ռադիոկայանները դեռևս տեխնիկական առումով նույնպես պատրաստ չեն :
Թումանյանը նաև նշեց ,որ մինչ այս օրենքը փոխելը կան նաև հարակից այլ օրենքներ, որոնք նույնպես փոփոխման կարիք ունեն՝ «ԶԼՄ մասին օրենքը», «Գովազդի մասին» օրենքը, Թումանյանը առաջարկում է անցնել բոլոր փուլերը, ապա նոր իրենք փոփոխել, բացի այդ՝ ներգրավել ԶԼՄ ներկայացուցիչներին այդ օրենքը կազմելու գործում:
Կարծիքներ