Ռուսաստանի բնակչության թիվը նվազում է 

«Ռոսստատ»-ը կանխատեսել է, որ մինչեւ 2030 թվականը Ռուսաստանի բնակչությունը կնվազի 3 միլիոնով։ Կանխատեսումն արվել է առանց հաշվի առնելու Ռուսաստանին միացած նոր տարածքների բնակչության թիվը։ Ըստ այդմ, ՌԴ բնակչությունը 2030 թվականին, առանց նոր ռեգիոնների, կկազմի 143 մլն 255 հազար մարդ։

Դա կլինի ՌԴ բնակչության համար ամենացածր թիվը, որ արձանագրվել է 2012 թվականից ի վեր, երբ ՌԴ բնակչությունը կազմում էր 143,06 միլիոն մարդ։ Նոր կանխատեսումն, ի դեպ, ավելի հոռետեսական է, քանի որ 2020 թվականի սկզբում արված կանխատեսմամբ, նախատեսվում էր, որ բնակչության նվազումը մինչեւ 2030 թվականը, կկազմի 2,1 միլիոն մարդ։