Գինեսի ռեկորդակիր Նիկոլայ Մադոյանը Երեւանում հանդես կգա համերգով
Գինեսի ռեկորդակիր, միջազգային մրցույթների հաղթող, ջութակահար Նիկոլայ Մադոյանը հանդես կգա Հայաստանի պետական կամերային նվագախմբի հետ: «Տարվա եղանակներ» խորագիրը կրող համերգային երեկոն տեղի կունենա այսօր՝ «Արամ Խաչատրյան» համերգասրահում: Համերգին նվագախումբը (գեղարվեստական ղեկավար եւ գլխավոր դիրիժոր` Վահան Մարտիրոսյան) կղեկավարի ՀՀ վաստակավոր արտիստ, դիրիժոր Կարեն Դուրգարյանը: Կհնչեն Պագանինիի եւ Վիվալդիի ստեղծագործություններից: Համերգային երեկոյին կներկայացվի Վիվալդիի անմահ «Տարվա եղանակներ» ստեղծագործությունը:
Նիկոլայ Մադոյանը ելույթներ է ունեցել աշխարհի բազում սիմֆոնիկ նվագախմբերի հետ` հայտնի դիրիժորների ղեկավարությամբ: Մասնավորապես, ելույթ է ունեցել Տիվոլի եւ Կոնցերտբաու, Լոնդոնի Թագավորական փառատոնային, Մոսկվայի կոնսերվատորիայի մեծ համերգասրահներում, Միլանի Վերդիի թատրոնում եւ այլուր: 2004թ. արժանացել է Հայաստանի վաստակավոր արտիստի կոչման:
Կարծիքներ