ՌԴ ՊՆ-ն Արցախում հրադադարի ռեժիմի խախտումներ չի արձանագրել

Ռուսական խաղաղապահ զորակազմն անցած մեկ օրվա ընթացքում Լեռնային Ղարաբաղում հրադադարի ռեժիմի խախտում չի արձանագրել, ասվում է Լեռնային Ղարաբաղում ռուսական խաղաղապահ զորակազմի գործունեության մասին տեղեկագրում, հաղորդում է Ինտերֆաքսը։

«Լեռնային Ղարաբաղի զինված կազմավորումները, ի կատարումն հրադադարի մասին պայմանավորվածությունների, շարունակում են սպառազինություն եւ ռազմական տեխնիկա հանձնել ռուս խաղաղապահների վերահսկողության ներքո։

Սեպտեմբերի 30-ի դրությամբ հանձնվել է     21 միավոր զրահատեխնիկա, 51 միավոր ավտոմոբիլային տեխնիկա, 24 միավոր ՀՕՊ միջոցներ, 62 միավոր դաշտային հրետանային հրանոթներ, ՀԿՌՀ-ներ եւ ականանետեր, ավելի քան 5,3 հազար միավոր հրաձգային զենք, հակատանկային միջոցներ եւ ՓԶՀՀ, շուրջ 3,3 մլն զինամթերք»,-ասվում է տեղեկագրում։