Իմաստունների խորամիտ խոսքը
• Փառքը թույն է, այն պետք է ընդունել փոքր չափաբաժնով։
• Մոր սիրտը անդունդ է, որի խորքում միշտ ներում կգտնվի։
• Այնտեղ, որտեղ բոլորը սապատավոր են, գեղեցիկ կազմվածքը դառնում է այլանդակություն։
Օ. Բալզակ
• Չարությունը շատ ավելի արագ է ստեղծվում, քան շտկվում է։
• Քաղաքականությունում մեծ բարեփոխումներ տեղի կունենան, եթե իմաստությունը տարածվի նույնքան դյուրին կերպով, որքան հիմարությունը։
• Խաղաղեցնել ագրեսորին` նշանակում է կերակրել կոկորդիլոսին այն հույսով, որ նա վերջում քեզ է հոշոտելու։
Ու. Չերչիլ
• Պատմության կողքին քաղաքականությունն անեկդոտից ոչ ավելի մի բան է։
• Մի վախեցեք կատարելագործվելուց՝ միևնույն է դուք դրան երբեք չեք հասնելու։
Ս. Դալի
• Ծեր դառնալու արվեստը մեծ բան չէ, արվեստը ծերությունը հաղթահարելն է։
• Ուժեղ կիրքն այնքան էլ հարատև չէ։ Բարիք ես կորցնում՝ քիչ բան ես կորցնում, պատիվ ես կորցնում՝ շատ բան ես կորցնում, համարձակություն ես կորցնում՝ կորցնում ես ամեն ինչ։
• Ոչինչ ավելի վտանգավոր չէ այն տխմարից, ով ձգտում է խելոք ձևանալ։
• Դատավորի առաջին պարտականությունն է լսել մեղադրյալին։
Յ. Գյոթե
• Թագավորներ չեն ծնվում, այդպիսիք դառնում են համընդհանուր մոլորության հետևանքով։
• Զգուշացիր նրանից, ով քո հարվածին չի պատասխանել։
Բ. Շոու
• Ինձ համար ավելի հեշտ է խաղաղեցնել ամբողջ Եվրոպան, քան մի քանի կնոջ…
Լյուդովիկոս 14
• Ավելի լավ է եղիր պարզ ու ազնիվ, քան խելացի ու կեղծ։
Սոֆոկլես
• Կանայք ընդունակ են ամեն ինչի, տղամարդիկ՝ մնացածին…
Ա. Ռենյե
• Յուրաքանչյուրը ջանում է խելոք ձևանալ, իսկ նա, ով այդպիսին լինել չի կարող, գրեթե միշտ խորամանկ է։
Ս. Ջոնսոն
• Գերագույն իշխանության թուլությունը ժողովրդական աղետներից ամենասարսափելին է։
Բ. Նապոլեոն
• Չափից ավելի ճկված աղեղնալարը կոտրում է աղեղը։
Ֆ. Շիլլեր
• Հարկ չկա ասել այն ամենը, ինչ գիտես, բայց մշտապես պետք է իմանալ, թե ինչ ես ասում։
Է. Կլաուդիոս
• Աղմկարարությունը ոչինչ չի ապացուցում, շատ հաճախ մի ձու ածած հավն է այնպես կչկչում, կարծես աստերոիդ է բերել։
Մ. Տվեն
• Բնությունը ոչ մի իրավունք չի ճանաչում, նրան հայտնի են միայն օրենքները։
Ջ. Ադամս
• Կարելի է հիմարացնել ժողովրդի մի մասին մշտապես, կարելի է հիմարացնել ամբողջ ժողովրդին մի որոշ ժամանակ, սակայն անհնար է հիմարացնել ամբողջ ժողովրդին մշտապես։
Ա. Լինկոլն
• Ազատությունն այն է, որ կախում ունես միայն օրենքներից։
• Ուրիշի գաղտնիքը հայտնելը դավաճանություն է, սեփականը հայտնելը՝ հիմարություն։
Մ.Վոլտեր
• Բարի լինելը շատ հեշտ է, արդարացի լինելը՝ ահա թե ինչն է դժվար։
Վ. Հյուգո
• Համեստը նա չէ, ով անտարբեր է գովասանքի հանդեպ, այլ նա, ով ուշադիր է կշտամբանքի հանդեպ։
Ֆ. Ժան Պոլ
• Ով ոչինչ չգիտի, ստիպված է ամեն ինչին հավատալ։
Ու. Էշենբախ
• Ավելի լավ է վաստակել չստանալով, քան ստանալ չվաստակելով։
Ա. Բելի
• Մանր անձրևը երկար է կաթկթում, հեղեղը կարճատև է։
Վ. Շեքսպիր
• Մարդ ավելի քիչ սխալներ կգործեր, եթե իմանար, թե ինքը հատկապես ինչ չգիտի։
• Վատ են ապրում նրանք, ովքեր ամբողջ կյանքի ընթացքում լավ ապրելու են պատրաստվում։
Պ. Սիրիոս
• Մարդուն շատ ավելի դժվար է տեղաշարժել առաջին դիրքից ու բերել երկրորդ տեղը, քան երկրորդից հասցնել վերջին տեղը։
• Կարելի է փախչել հայրենիքից, սակայն ինքդ քեզանից չես փախչի։
Կ. Հորացիոս
• Պատերազմներ սկսում են, երբ ցանկանում են, բայց ավարտվում են, երբ կարողանում են։
Ն. Մաքիավելի
• Երբ ի հայտ է գալիս բռնապետը, նա առաջ է քաշվում որպես ժողովրդի դրածո։
Պլատոն
Տարբեր աղբյուրներից հավաքագրեց՝
Միսակ Նազարյանը
Կարծիքներ