Փաշինյանը Չինաստանում խոսում էր ռուսերեն
Մինչ Հայաստանի վարչապետ Նիկոլ Փաշինյանն ու նրա տիկին Աննա Հակոբյանը վայելում են չինական ցնցող հյուրասիրությունը, Չինաստան այցի շրջանակներում մի փոքրիկ դիտարկում գրավել է հասարակության ուշադրությունը: Փաշինյանը Պեկինում խոսել է ռուսերեն: Հաշվի առնելով ռուսերենի նրա իմացության հետ կապված վերջին միջադեպը` Ռուսաստանի վարչապետ Դմիտրի Մեդվեդեւի մասնակցությամբ կատակը, գոնե ակնկալելի էր, որ Փաշինյանն այս անգամ, գոնե, թարգմանչի օգնությամբ կհաղորդակցվի: Սակայն ինչպես կարելի է հասկանալ, Հայաստանի վարչապետը որոշել է կրկին հաղորդակցվել ռուսերենով, չօգտվելով օրինակ չինարենի թարգմանչի ծառայություններից, եթե իհարկե նման թարգմանիչ իր տրամադրության տակ եղել է: Չինաստանը, անկախ ամեն ինչից կոմունիստական երկիր է: Այդ երկրի վերնախավում ռուսերենը ընդունված ու հարգի լեզու է, ու հիմնականում վերջինիս բարձրաշխարհիկ չինացիները տիրապետում են: Թերեւս սրանով կարելի է բացատրել այն, որ չինացիների համար լիովին հարմարավետ վիճակ էր այն, որ Հայաստանի վարչապետը խոսեց իրենց հետ ռուսերենով:
Կարծիքներ