Ինչ հիմքով են ձերբակալել «ԱդեկվաԴ»-ների Արթուր Դանիելյանին

Երեկ հայտնի դարձավ, որ ձերբակալվել է «ԱդեկվաԴ»-ներից Արթուր Դանիելյանը։
Արթուր Դանիելյանի ընկեր Նարեկ Մալյանը մեզ հայտնեց, որ ինքն էլ տեղյակ չէ, հավանաբար կապ կա Աշոտ Մինասյանի ձերբալակման հետ։
«Ինքը Մինասյան Աշոտի հետ մոտիկ էր։ Մինասյան Աշոտի երկու տղաները «ԱդեկվաԴ»-էին, կարող է ինչ֊որ կապ է եղել, այդ թեմայով»։
Նշենք, որ Սիսական ջոկատի հրամանատար, գնդապետ, «Մարտական խաչ» 2-րդ աստիճանի շքանշանի դափնեկիր Աշոտ Մինասյանը եւս ձերբալակված է։ Արթուր Դանիելյանի ձերբակալության պատճառը նրա լայվն է: 
 Մեղադրանք  է առաջադրվել օրենքի ՀՀ օրենսգրքի 226.2 հոդվածի համնաձայն, այն է՝
. Բռնություն գործադրելու հրապարակային կոչերը, բռնությունը հրապարակայնորեն արդարացնելը կամ քարոզելը 1. Անձի կամ անձանց խմբի նկատմամբ սեռով, ռասայով, մաշկի գույնով, էթնիկական, կամ սոցիալական ծագումով, գենետիկական հատկանիշներով, լեզվով, կրոնով, աշխարհայացքով, քաղաքական կամ այլ հայացքներով, ազգային փոքրամասնությանը պատկանելությամբ, գույքային վիճակով, ծնունդով, հաշմանդամությամբ, տարիքով կամ անձնական կամ սոցիալական բնույթի այլ հանգամանքներով պայմանավորված բռնություն գործադրելու հրապարակային կոչերը, նման բռնությունը հրապարակայնորեն արդարացնելը կամ քարոզելը, եթե բացակայում են սույն օրենսգրքի 225-րդ հոդվածի 4-րդ մասով, 226-րդ, 226.1-րդ, 301-րդ, 385-րդ, 397.1-րդ հոդվածներով նախատեսված հանցագործությունների հատկանիշները՝ պատժվում է տուգանքով՝ նվազագույն աշխատավարձի հիսնապատիկից հարյուրհիսնապատիկի չափով, կամ կալանքով՝ առավելագույնը երկու ամիս ժամկետով կամ ազատազրկմամբ՝ առավելագույնը մեկ տարի ժամկետով: 2. Սույն հոդվածի առաջին մասով նախատեսված արարքները, որոնք կատարվել են՝ 1) մի խումբ անձանց կողմից նախնական համաձայնությամբ կամ կազմակերպված խմբի կողմից 2) պաշտոնեական դիրքն օգտագործելով՝ պատժվում է տուգանքով՝ նվազագույն աշխատավարձի հարյուրհիսնապատիկից երեքհարյուրապատիկի չափով կամ կալանքով՝ երկուսից երեք ամիս ժամկետով կամ ազատազրկմամբ՝ մեկից երեք տարի ժամկետով՝ որոշակի պաշտոններ զբաղեցնելու կամ որոշակի գործունեությամբ զբաղվելու իրավունքից զրկելով՝ մեկից երեք տարի ժամկետով կամ առանց դրա: