«Հրապարակ»․ ԱԺ խմբակցությունները, ատամները սրած, սպասում են այսօրվա նիստին

Այսօր՝ օգոստոսի 28-ին, ժամը 11-ին, կգումարվի ԱԺ արտահերթ նստաշրջան, որի օրակարգում է «Սեւանա լճի էկոհամակարգի վերականգնման, պահպանման, վերարտադրման եւ օգտագործման միջոցառումների տարեկան ու համալիր ծրագրերը հաստատելու մասին օրենքում լրացումներ կատարելու մասին» օրենքի նախագիծը, որով նախատեսվում է գյուղատնտեսական կարիքների համար Սեւանա լճից 40 մլն խմ լրացուցիչ ջրառ կատարել:



ԱԺ խմբակցությունները, ատամները սրած, սպասում են նիստին, որոշել են «վրեժխնդրության երեկո» կազմակերպել՝ Փաշինյանին ու նրա կուսակիցներին տեղը դնել «կռիսական» հարցերով, սուր հարցադրումներով:



Նրանք լավ «լցված» են նոր իշխանության դեմ, քանի որ վերջինս, որեւէ բան հաշվի չառնելով, իր բռնել-բացահայտելու գործողություններում ընդգրկել է նաեւ պատգամավորներին ու նրանց հարազատներին: Իրենք՝ «ՔՊ»-ականները եւս մանրակրկիտ պատրաստվում են հակահարված տալ ՀՀԿ-ին։