Ամերիկյան բարձր մաքսատուրքերը հարվածում են Սեուլի տնտեսությանը 2,4 միլիարդ դոլարի չափով

Հարավկորեական պողպատի ներկրման վրա ԱՄՆ սահմանած բարձր մաքսատուրքը հարվածում է Հարավային Կորեայի տնտեսությանը 2,4 միլիարդ դոլարով։ Այս մասին հայտնում է Yonhap լրատվական գործակալությունը, վկայակոչելով Հարավային Կորեայի խորհրդարանի բյուջետային հանձնաժողովի ներկայացրած զեկույցի տվյալները։ Ըստ այդ զեկույցի, բացի դրամական կորստից, ներկրման բարձր մաքսատուրքեր սահմանած 3 ոլորտներում հնարավոր է գործազուրկ դառնա 16 հազար մարդ։ Նշենք, որ ԱՄՆ նախագահն իր հերթին հայտարարել է, որ ամերիկյան տնտեսությունը այժմ պաշտպանված է եւ վերջինիս համար ամենից լավ ժամանակներն են սկսվել։