Կարեւոր է, որ հանդիպենք Փհենյանի ներկայացուցիչների հետ, թեկուզ խոսենք եղանակի մասին. Ռեքս Թիլերսոն

ԱՄՆ Պետքարտուղար Ռեքս Թիլերսոնը հայտարարել է, որ իր երկիրը պատրաստ է բանակցություններ սկսել ՀյուսիսայինԿորեայի հետ միջուկային պրոբլեմատիկայի օրակարգով, սակայն առանց նախապայմանների: Ընդ որում, Թիլերսոնը նշել է, որ այդ բանակցությունների ընթացքում կարելի է նույնիսկ մշակել ճանապարհային քարտեզը հետագայում իրականացնելիք գործողությունների համար: Այս մասին հայտնում է РИА Новости լրատվական գործակալությունը: Թիլերսոնը նշել է, որ Միացյալ Նահանգները պատրաստ է խոսելու եւ սպասում է, թե երբ խոսելու ցանկություն կհայտնի Հյուսիսային Կորեան: «Կարեւորը, որ հանդիպենք, թեկուզ խոսենք եղանակի մասին»,- կատակել է ԱՄՆ Պետքարտուղարը Ատլանտյան խորհրդի նիստում: