Ինչ անել աշնանը չհիվանդանալու համար. Երեք պարզ, բայց արդյունավետ բաղադրատոմս
Աշունը, որքան էլ որ լինի տաք, միեւնույն է, հիվանդանալու համար ամենից նպաստավոր սեզոններից է համարվում: Չէ՞ որ արդեն ջերմային ռեժիմը փոխվում է, ջերմաստիճանի տատանումն օրվա կտրվածքով ավելանում է, իսկ մենք նայում ենք փայլող արեւին եւ դեռ ամառային ռեժիմի մեջ ենք: Այս փոփոխություններն են, որ երբեմն մեր օրգանիզմը ընկալում է ոչ միանշանակ եւ արդյունքում՝ գրիպ, մրսածություն …
Մասնագետները խորհուրդ են տալիս սեզոնային այս հիվանդությունների դեմ պայքարել դեղաբույսերի օգնությամբ եւ ամրացնել իմունիտետը՝ մեր օրգանիզմի բնական պաշտպանիչը:
Aif.ru-ն առաջարկում է բավական հեշտ պատրաստվող եւ ոչ թանկարժեք մի քանի դեղատոմս, որոնք սակայն շատ արդյունավետ են: Եվ ահա, մեկ թեյի գդալ չոր կարմիր մոխրենու պտուղների վրա լցնում ենք մեկ բաժակ եռացրած ջուր եւ դնում, որ թրմվի մեկ ժամ: Թուրմն ընդունում ենք օրական 2–3 անգամ: Երկրորդ տարբերակով, կրկին մեկ թեյի գդալ մասուրի պտուղների վրա ավելացնում ենք երկու բաժակ եռացրած ջուր եւ եռացնում շոգեխաշման եղանակով 10 րոպե: Ապա ստացված զանգվածը լցնում ենք թերմոսի մեջ եւ թողնում, որ ութ ժամ թրմվի: Խմում ենք թուրմն օրական 3–4 անգամ: Եվ երրորդ տարբերակով, մեկ թեյի գդալ ելակի չոր տերեւների վրա ավելացնում ենք 1 բաժակ եռացրած ջուր: Թերմոսում թրմում ենք երկու ժամ: Ստացված թուրմը խմում ենք օրական 2 անգամ:
Կարծիքներ