Իսրայելը գրոհում է, ՄԱԿ-ը՝ դատապարտում
Իսրայելը Ռաֆահում իրականացվող գործողության ընթացքում խախտել է միջազգային իրավունքի բոլոր նորմերը՝ կապված խաղաղ բնակչության տարհանման հետ։ Այս մասին Ժնևում կայացած ճեպազրույցում ասել է ՄԱԿ-ի հումանիտար հարցերի համակարգման վարչության մամուլի քարտուղար Յենս Լաերկեն։
«Հակամարտության իրավիճակներում քաղաքացիական անձանց տարհանումը խստորեն կարգավորվում է միջազգային իրավունքով։
Առաջին հերթին բնակչությանը պետք է նախապես զգուշացնել՝ ժամանակին հասցնելու և անվտանգ տարհանվելու համար։ Դա տեղի չի ունեցել այստեղ։ Բացի այդ, տարհանման ուղիները, ինչպես նպատակակետ տարածքները, պետք է ապահով լինեն, իսկ մարդասիրական օգնության հասանելիությունը պետք է ապահովվի: Դրանցից ոչ մեկը նույնպես չի արվել»,- ընդգծել է Լաերկեն։
Կարծիքներ