Կովալենկոյի մոտ սեր է առաջացել կրթության հանդեպ

Կոտայքի մարզպետ Կովալենկո Շահգալդյանի եւ մարզի կրթության վարչության պետ Հովհաննես Կոստանյանի միջեւ սեւ կատու է անցել: Մարզի կրթության ոլորտի ներկայացուցիչները հավաստիացնում են, որ Կովալենկո Շահգալդյանը թույլ չի տալիս իրենց գործ ունենալ կրթության վարչության պետի հետ ու ոլորտում ծագած բոլոր խնդիրները ստիպում է քննարկել իր հետ: Հովհաննես Կոստանյանին մեկուսացրել է, ասում են՝ դպրոցների տնօրենները վախենում են բացել նրա կաբինետի դուռը եւ աշխատում են նույնիսկ նրա կողքին չկանգնել, որ հանկարծ Կովալենկոն չտեսնի: Մարզի ուսուցիչները բողոքում են, որ այդ պատճառով անլուծելի են մնում անգամ իրենց տարրական հարցերը, որովհետեւ Շահգալդյանն էլ առանձնապես հասանելի չէ իրենց, ու շատ դժվար է արժանանալ նրա ընդունելությանը: