Իոսիֆ Կոբզոնը համերգ կունենա Երեւանում
hraparak
21 Նոյեմբեր 2012 | 06:08
0
Նոյեմբերի 22-ին «Արամ Խաչատրյան» համերգասրահում տեղի կունենա ԽՍՀՄ ժողովրդական արտիստ, հանրաճանաչ երգիչ Իոսիֆ Կոբզոնի ծննդյան 75-ամյակին նվիրված հոբելյանական հյուրախաղերի երեւանյան համերգը, որից ստացված ողջ հասույթը կուղղվի Գյումրիի երաժշտական դպրոցների համար երաժշտական գործիքների ձեռքբերմանը: Համերգի ընթացքում Կոբզոնի կատարմամբ կհնչեն Բաբաջանյանի, Պախմուտովայի, Մովսիսյանի, Ֆլյարկովսկու, Օստրովսկու, Ֆրենկելի եւ այլ ճանաչված կոմպոզիտորների հանրահայտ ստեղծագործություններ: Համերգին կմասնակցեն ՌԴ ՆԳ նախարարության Ներքին զորքերի երգ ու պարի անսամբլը, Մոսկվայի «Ռեսպուբլիկա» խումբը, դաշնակահար Ալ. Եվսյուկովը, Ուկրաինայի ժողովրդական արտիստ Ն. Բուչինսկայան: Հոբելյանական երեկոյի ընթացքում շնորհավորական կատարումներով հանդես կգան նաեւ Կամո Սեյրանյանը եւ Արման Հովհաննիսյանը: Համերգն իրականացվում է «Սոզվեզդիա» միջազգային բարեգործական հիմնադրամի նախաձեռնությամբ եւ ՀՀ մշակույթի նախարարության աջակցությամբ:
Կարծիքներ