Ոգևորվա՞ծ եք հանրահավաքով։ Մեկնարկեց եռյակի երկրորդ նիստը
Քիչ առաջ մեկնարկեց արդեն իսկ եռյակի երկրորդ նիստը։ Նիստն այս անգամ անցկացվում է «Ժառանգություն» խմբակցությունում։ Նիստին մասնակցում են Ժառանգությունից Ռուբիկ Հակոբյանը, ով Թևան Պողոսյանին էր սպսում, որ գար, ԲՀԿ-ից Նաիրա Զոհրաբյանը, Ստեփան Մարգարյանն ու Վարդան Օսկանյանը, ՀԱԿ-ից Լևոն Զուրաբյանն ու Արամ Մանուկյանը։
Նախատեսվում է, որ նիստին կքննարկվի մարզային այցելությունների և հանրահավաքի հետ կապված հարցերը։
Մինչ լրագրողները գտնվում էին ներսում, ՀԱԿ խմբակցության ղեկավար Լևոն Զուրաբյանը հետաքրքրվեց լրագրողներից՝ «Ոգևորվա՞՛ եք հոկտոմբերի 10-ի հանրահավաքով»։ Արամ Մանուկյանն ու Նաիրա Զոհրաբյանն էլ հետաքրքրվեցին, թե այդ ովքեր էին այսօր ճանապարհը փակել կառավարության շենքի դիմաց։
Հետո խնդրեցին մեզ դուրս գալ, որ իրենք սկսեն իրենց փակ նիստը։
Վահե ՄԱԿԱՐՅԱՆ
Կարծիքներ