Արթուր Ջավադյանը կդիմանա մի քանի մագնիտուդի ուժգնության ցնցման
Բնական է, սահմանադրական բարեփոխումների ֆոնի վրա հատուկ ուղղվածությամբ խոսվում է, որ գործադիր մարմնում շախմատաքարերի փոփոխություններ տեղի կունենան:
Եթե դրանք լինեն էլ, փոքր չափով, կկատարեն զուտ դասավորության ֆունկցիա, ոչ ավելին:
Բայց դաշտը, որտեղ խաղ չկա ու անշարժություն է, նույն կերպ էլ կմնա անշարժ:
Ամենաչարչրկվող թեման՝ տնտեսությունն է ու այդ ֆոնի վրա «նորամուծություններ կլինեն»,- իրազեկում են գիտակ աղբյուրները:
Կուլիսներում վաղուց է խոսվում գործադիր մարմնի բարձրակետում Հրանտ Բագրատյանի «ընդունելի լինելու մասին»: Վերջինս էլ Կենտրոնական բանկի վարած քաղաքականությունից հաճախ է բոլորիս աչքներիս առաջ դժգոհում:
Ու չնայած խոսում են, որ Հրանտ Բագրատյանին «ԿԲ նախագահ դառնալու հուսո ձեռքեր են մեկնվում», բայց կարծում եմ սահմանադրական բարեփոխումների ի կատար ածվելու ֆոնի վրա են նման պտուղները «ցոգոլանում»՝ այդ դաշտում հանդուրժողականություն ապահովելու համար:
Արթուր Ջավադյանը բավականին ամուր հիմքեր ունի, որպեսզի դիմանա մի քանի մագնիտուդի ուժգնության ցնցման…
… Ու դեռ ավելին:
Հասմիկ ԲԱԲԱՋԱՆՅԱՆ
Կարծիքներ