Մշակույթը օգնության, աջակցության կարիք ունի, նախարարությունն ամեն ինչ չէ, որ անում է․ Ն․ Անաթանասյան

Կոներվատորիայի դասախոս, արվեստագիտության թեկնածու Նունե Աթանասյանը համաձայն չէ, որ մշակութային ոչնչացում է տեղ ունենում, և կատեգորիկ խոսել մշակույթի եղեռնի մասին՝ չենք կարող, որովհետև արվում է մեծ աշխատանք, որը կարևոր դեր է խաղում մշակույթի պահպանման գործում։
Այս տեսակետը նա նհայտնեց այսօր լրագրողների հետ հանդիպման ժամանակ՝ նշելով, որ լրատվության միջոցները այդքան էլ շատ չեն անդրադառնում այն մասնագիտական խնդիրներին, որ առկա է ոլորտում։

Նրա խոսքով՝ ազգային մշակույթը մարդու էությունն է, այն պետք է հարուստ լինի, իսկ էությունը հնարավոր է հարստացնել մեր պապերի մշակույթով։
«Ուստի այսօր խոսել հայ մշակույթի անկման մասին, անթույլատրեի եմ համարում, մենք այսօր ունենք մշակույթի, արվեստի վառ նմուշներ, որոնք թույլ են տալիս, որ մեր մշակույթն այսօր զարգանա»,-ասաց նա՝ ընդգծելով, որ մշակույթը օգնության, լրագրողների աջակցության կարիք ունի»։

Hraparak.am-ի հարիցն՝ Մշակույթի նախարարությունն այդ հարցում ի՞նչ է անում, և արդյոք պատշաճ և արդյունաետ կատարու՞մ է իր գործառույթը մշակույթի պահպանման ու զարգացման հարցում, տիկին Աթանասյանն ասաց․ «Միանշանակ ասել, որ նախարարությունն անում է ամեն ինչ, դա սխալ է, ես կարող եմ խոսել այն աջակցության մասին, որ ես ինքս եմ գործի բերումով տեսել նրանց կողմից։ Մշակույթի մարդիկ սովոր են աշխատել, և սիրում են իրենց գործը։

Նա նշեց, որ Մշակույթի նախարարությունը, իհարկե, որպես հովանավոր, կարող է ավելի ակտիվ գործունեություն ծավալել, և ոչ միայն մշակույթի նախարարությունը։ Ըստ նրա՝ առաջին հերթին պետք է սկսել Կրթության նախարարությունից, որպեսզի դեռ դպրոցից սկսեն կատարել այդ աշխատանքը՝ պահպանել ու զարգացնել մեր մշակույթը։
Հարցին՝ այսինքն կա՞ն թերացումներ մշակույթի նախարարության աշխատանքում, որն այդքան քննադատվում է տարբեր առումներով, Նունե Աթանեսյանն ասաց․ «Անշուշտ կան»;

Վահե ՄԱԿԱՐՅԱՆ