Հայաստան է ժամանել Վրաստանի պաշտպանության նախարար Թինաթին Խիդաշելիի գլխավորած պատվիրակությունը
hraparak
31 Հունվար 2016 | 14:17
0
Պաշտոնական այցով այսօր Հայաստան է ժամանել Վրաստանի պաշտպանության նախարար Թինաթին Խիդաշելիի գլխավորած պատվիրակությունը:
Հայաստանի պաշտպանության նախարարության փոխանցմամբ՝ այցի ընթացքում նախատեսված են պատվիրակության հանդիպումները Հայաստանի նախագահ Սերժ Սարգսյանի, Ամենայն Հայոց կաթողիկոս Գարեգին երկրորդի, վարչապետ Հովիկ Աբրահամյանի, պաշտպանության նախարար Սեյրան Օհանյանի և արտաքին գործերի նախարար Էդվուարդ Նալբանդյանի հետ:
Վաղը պաշտպանության նախարարության վարչական համալիրում տեղի կունենա դիմավորման պաշտոնական արարողությունը, որին կհաջորդի վրացական պատվիրակության և Հայաստանի պաշտպանության նախարարության ղեկավարության միջև ընդլայնված կազմով հանդիպումը` երկու երկրների միջև 2016 թվականի ռազմական համագործակցության ծրագրի ստորագրմամբ:
Հնդիպումից հետո Թինաթին Խիդաշելին և Սեյրան Օհանյանը հանդես կգան համատեղ մամլո ասուլիսով:
Վրացական պատվիրակության այցը Հայաստան կավարտվի փետրվարի 2-ին:
Կարծիքներ