Հարձակում Ղրղզստանում չինական դեսպանատան վրա. կա զոհ եւ վիրավորներ

Առնվազն մեկ մարդ զոհվել եւ եւս երկուսը վիրավորվել են Բիշքեքում չինական դեսպանատան մոտ որոտացած պայթյունից: Այս մասին հայտնում է ТАСС գործակալությունը: Ըստ նախնական տեղեկությունների, տեղական ժամանակով 10:00-ին անհայտ անձը Mitsubishi մեքենայով փորձել է կոտրել դեսպանատան դարպասները, որից հետո որոտացել է պայթյունը: Հանցագործը տեղում մահացել է: Վիրավորվել են դեսպանատան պահակազորի երկու աշխատակիցներ: Դեպքի վայր են ժամանել իրավապահները: Ճշտվում են պայթյունի շարժառիթները: Ականատեսների վկայությամբ՝ պայթյունն այնքան ուժգին է եղել, որ լսվել է քաղաքի բոլոր շրջաններում: