Վարչապետի հանձնարարականը՝ Գյումրու Կումայրի պատմական կենտրոնի վերաբերյալ

Վարչապետ Կարեն Կարապետյանն այսօր կառավարության նիստին հանձնարարական տվեց Գյումրու քաղաքային Կումայրի պատմական կենտրոնի զարգացման նոր ծրագրի վերաբերյալ: «Հաշվի առնելով այդ ծրագրի հանդեպ հանրային ուշադրությունը և ակնկալելով մասնագիտական խորացված գործընթաց՝ հանձնարարում եմ ՀՀ կառավարությանն առընթեր քաղաքաշինության պետական կոմիտեի նախագահին, մինչ 2017 թվականին հունիսի 10-ը ծրագրով որոշված տարածքի սահմաններում համագործակցելով ՀՀ մշակույթի նախարարության հետ, առաջնահերթության կարգով առանձնացնել պիլոտային թաղամաս և մշակել մանրամասն հատակագծման, ինչպես նաև ամբողջ տարածքի ինժեներական ենթակառուցվածքների նախագծերը»,-ասաց վարչապետը։ 

Նրա խոսքով՝ Կումայրի պատմական կենտրոնի զարգացման ներկայումս իրականացվող նախագծային աշխատանքները համակարգելու նպատակով պետք է ներգրավել «Հայնախագիծ» բաց բաժնետիրական ընկերության արվեստանոցի ղեկավար, ՀՀ վաստակավոր ճարտարապետ Սաշուր Քալաշյանին և ներկայացնել նշված աշխատանքների ժամանակացույցը: