Թրամփը Սիրիայի մասին իր պլաններով չի կիսվի Ռուսաստանի հետ
ԱՄՆ նախագահ Դոնալդ Թրամփը հայտարարել էր, որ չի քննարկի Սիրիայի հարցը Ռուսաստանի նախագահ Վլադիմիր Պուտինի հետ առաջիկա հանդիպման ժամանակ: Մասնավորապես Թրամփը նշել է, որ քննարկման թեմա չի լինի ռազմական հարցերը Սիրիայի մասով: Այս մասին նա ասել է «The New York Times» պարբերականի հետ զրույցի ժամանակ:
«Ես երբեք չեմ ասում, թե ինչ եմ անում ռազմական ոլորտում: Ռազմական հարցերի մասին խոսելուն ես դեմ եմ եղել միշտ եւ տարիներ ի վեր այդ մասին միշտ ասել եմ»,- հայտարարել է ԱՄՆ նախագահը:
Ավելի վաղ ԱՄՆ նախագահը մեկնաբանել էր Իդլիբում քիմիական հարձակման միջադեպը, կատարվածի ողջ պատասխանատվությունը դնելով Սիրիայի նախագահ Բըշար ալ-Ասադի վրա` միաժամանակ նաեւ նշելով, որ Ասադի գործողությունները նաեւ ամերիկյան նախորդ վարչակազմի թույլ կեցվածքի հետեւանք է:
Կարծիքներ