Էրդողանը Եվրոպան փտող աշխարհամաս է անվանել
hraparak
6 Ապրիլ 2017 | 18:15
0
Եվրոպան սպառել է իրեն և վերածվել «փտող աշխարհամասի, հայտարարել է Թուրքիայի նախագահ Ռեջեբ Թայիփ Էրդողանը:
«Եվրոպան այսօր փտող աշխարհամաս է, նա այլևս ոչինչ չունի ասելու ոչ Թուրքիային, ոչ է միջազգային հանրությանը: Եվրոպան սպառել է իրեն և հայտնվել է մի վիճակում, որի համար թանկ է վճարելու: Մերժվել են բոլոր արժեքները, որոնք եվրոպացիները պահպանել էին դարերով»,- РИА Новости-ի փոխանցմամբ` Բալիքեսիր նահանգում տեղի ունեցած հանրահավաքում հայտարարել է Թուրքիայի նախագահը:
Էրդողանի խոսքով` այսօր Եվրոպայում խախտվում են մարդու իրավունքները, այնտեղ հաշվի չեն նստում ժողովրդավարության նորմերի հետ:
«Եվրոպան ոչ թե ժողովրդավարության, այլ բռնության և նացիզմի կենտրոն է»,- հավելել է Էրդողանը:
Կարծիքներ