ՇՄ-ում իրենց գերազանցածներն ու 1000 ձայն ապահովածները
ԿԸՀ –ն արդեն իսկ ամփոփել է ընտրությունների նախնական արդյունքները, եւ հայտնի է ռեյտինգային թեկնածուների օգտին քվեարկած ձայների քանակը, ինչից կարելի է ենթադրել, թե որ թեկնածուները կգործուղվեն ԱԺ:
Շիրակի մարզում ռեյտինգային թեկնածուների օգտին քվեարկած ձայները բաշխվել են հետաքրքիր կերպով: Այս անգամ ինքն իրեն գերազանցեց գեներալ Ֆելիքս Ցոլակյանը: Նախորդ ընտրություններին, երբ առաջադրվեց Հանրապետականների կողմից, հավաքեց 10հզր-ից ավել ձայն , իսկ ահա Իմ քայլը դաշինքով առաջադրվելով՝ ստացավ 24172 քվե:
Շիրակի մարզպետ Կարեն Սարուխանյանը նույն դաշինքի ցուցակում երկրորդ հորիզոնականում է՝ 6271 ձայնով: Փոխմարզպետ Սոֆյա Հովսեփյանն էլ 5981 ձայնով երրորդ տեղում է: Մարզպետի խորհրդական Նազելի Բաղդասարյանը, ով առաջին անգամ էր թեկնածությունը դրել, արդարացրեց ՔՊ –ականների սպասելիքները՝ հավաքելով 4771 ձայն:
Քաղաքացիական ակտիվիստ Տիգրան Պետրոսյանն էլ հուսախաբ չարեց իր թիմին, ամենայն հավանականությամբ 4541 քվեն նրան խորհրդարանի ուղեգիր կապահովի: Իմ քայլը դաշինքից 3000-ից ավել ձայն են հավաքել Դավիթ Առուշանյանն ու Հովհաննես Հարությունյանը: 2000-ից ավել ձայներ են հավաքել մարզպետի օգնական Էմմա Պալյանը, Դավիթ Սեխլեյանն ու Սարգիս Պետրոսյանը: Փոխմարզպետ Արա Մելիքջանյանն ու Նիկոլայ Սարիբեկյանը 1000ձայնը գերազանցել են:
Բարգավաճ Հայաստան կուսակցության առաջատարներն են ԱԺ պատգամավորներ Վարդան Ղուկասյանն ու Վարդևան Գրիգորյանը՝ 3198 եւ 2783 ձայներով: Մյուս թեկնածուները 1000 ձայնը չեն գերազանցել:
Լուսավոր Հայաստան կուսակցության կողմից առաջադրված 4 թեկնածու 1000ձայնը գերազանցել են: Առաջատար է Սարիկ Մինասյանը՝ 1963 ձայնով: Նրան հետևում է Հայկ Գևորգյանը՝1233 քվե, այնուհետև՝ Մկրտիչ Մկրտչյանը՝1072 եւ Հովհաննես Խաչատրյանը՝1069 ձայներով:
Չնայած նրան, որ Հայ Հեղափոխական դաշնակցությանը չհաջողվեց անցողիկ շեմը հաղթահարել, մարզում զգալի ձայն են հավաքել կոււսակցության թեկնածուները: Նախկին մարզպետներ Ռոմիկ Մանուկյանի եւ Հակոբ Մաթիլյանի օգտին քվեարկել են 1554 եւ 1201 ընտրող : Մարմաշենի համայնքապետ, գործարար Կարեն Արշակյանին վստահել է 1014 քաղաքացի:
Կարծիքներ