Վենետիկի իշխանությունները հրապարակել են հեղեղումների հետեւանքով պատճառված վնասի չափը

Վենետիկում տեղի ունեցած հեղեցումները պատճառել են ընդհանուր առմամբ մեկ միլիարդ եվրոյի վնաս։ Այս մասին հայտնում են տեղի իշխանությունները։ Վենետիկի քաղաքապետ Լուիջի Բրունյարոն, ըստ Deutsche Welle-ի փոխանցման, նույնիսկ օգնության կոչով դիմել է միջազգային դոնորներին եւ աշխարհի բոլոր բարի կամքի տեր մարդկանց։

Ըստ վերջին տվյալների, քաղաքի պատմական կենտրոնը ջրածածկ է մոտ 70 տոկոսով։ Հեղեղումների պատճառով չեն գործում բազմաթիվ թանգարաններ, դպրոցներ։ Հիմնական քաղաքային տրանսպորտի գործունեությունը նույնպես դադարեցված է։ Ջրի բարձրությունը 154 սմ է այն դեպքում, երբ առավելագույն թույլատրելի բարձրությունը 130 սմ-ն է։