Գործադիրը քննարկում է կառավարության ծրագիրը (ֆոտոշարք)

Կառավարությունն այսօր արտահերթ նիստ է հրավիրել։ Նիստի օրակարգում է կառավարության ծրագիրը, որը պետք է ուղարկեն Ազգային ժողով՝ քննարկման։ Նշենք, որ կառավարության հերթական նիստը պետք է տեղի ունենար վաղը, բայց քանի որ կառավարության ծրագրի ներկայացման ժամկետը լրանում էր, ուստի հերթական նիստը տեղափոխեցին այսօր՝ արտահերթ ձևաչափով քննարկելու կառավարության ծրագիրը։ Օրակարգում ընդգրկված է 23 հարց, որոնցից վերջին վեցը կառավարության ծրագիրն է։ Այն զեկուցելու է փոխվարչապետ Մհեր Գրիգորյանը։

Ծրագրի հենց առաջին կետով սահմանված է․ «Առաջիկա հինգ տարիներին՝ ՀՀ կառավարության գործունեությունը միտված է լինելու Հայաստանի Հանրապետությունում բարձր տեխնոլոգիական, արդյունաբերական, ինչպես նաև բնապահպանական բարձր չափանիշներին համապատասխանող, արտահանմանը միտված մրցունակ և ներառական տնտեսություն կառուցելուն»։ Կառավարության ծրագրին մանրամասն կանդրադառնանք ավելի ուշ։ Այժմ ներկայացնում ենք կառավարության նիստի ֆոտոշարքը՝ Hraparak.am-ի աչքերով։