Բաքուն «ափալ-թափալ» օգնություն է ուղարկում Արցախ՝ ՄԱԿ-ին հաճոյանալու համար
![Բաքուն «ափալ-թափալ» օգնություն է ուղարկում Արցախ՝ ՄԱԿ-ին հաճոյանալու համար](https://hraparak.am/uploads/images/2023/10/image_750x_6519132d6e34c.jpg)
«Համակարգող շտաբին կից ժամանակավոր կառավարման կենտրոնը, որը ստեղծվել է օկուպացիայից ազատագրված Ադրբեջանի տարածքների հարցերը կենտրոնացված լուծելու համար, սկսել է համապատասխան բժշկական ծառայություններ կազմակերպել Խանքենդի (Ստեփանակերտ-խմբ․) քաղաքում»։
Այդ մասին հաղորդում է Ադրբեջանի նախագահի աշխատակազմը, փոխանցում են տեղական ԶԼՄ-ները։
Նշվում է, որ Ադրբեջանի առողջապահական կառույցների բարձրաստիճան պաշտոնյաների մասնակցությամբ Ստեփանակերտ են ուղարկվել մասնագիտացված բուժանձնակազմեր, այդ թվում՝ տարբեր բժիշկներ, շտապօգնության 7 թիմեր։
Ստեփանակերտում բնակչության բժշկասանիտարա-համաճարակային վիճակը գնահատելուց հետո նախատեսվում է ձեռնարկել համապատասխան հաջորդ քայլերը, նշված է հայտարարության մեջ։
Հատկանշական է, որ նման եռանդուն գործողություններ՝ կեղծ հումանիզմի քողի տակ, Բաքուն կատարում է ՄԱԿ-ի առաքելության՝ Արցախ ժամանման ֆոնին։ Այսինքն նպատակը՝ հումանիստ ձևանալն ու ՄԱԿ-ի պատվիրակներին հաճոյանալն է։
Հարց է նաև, թե ինչ բնակիչների մասին է ակնարկում ադրբեջանական կողմը, երբ Արցախում գրեթե հայ չի մնացել։
Կարծիքներ