Իրանը հզոր հակահարված է խոստացել պատերազմի դեպքում

Իրանը մտադիր չէ պատերազմ սկսել ԱՄՆ դեմ, սակայն խոստանում է հզոր հակահարված, եթե ամերիկյան կողմը որոշի պատերազմ սկսել Իրանի դեմ։ Այս մասին հայտարարել է Իրանի նախագահ Հասան Ռոհանին՝ Ճապոնիայի վարչապետ Սինդձո Աբեի հետ հանդիպման ժամանակ։

«Ես ասացի պարոն վարչապետին, որ մենք ռեգիոնում չենք լինի այն երկիրը, որը պատերազմ կսկսի ԱՄՆ դեմ, սակայն եթե մեր դեմ պատերազմ սկսեն, մեր պատասխանը կլինի վճռական, հակահարվածը՝ հզոր»,- վարչապետ Աբեի հետ հանդիպումից հետո տեղի ունեցած համատեղ ասուլիսի ժամանակ հայտարարել է նախագահ Ռոհանին։