Ձկները ունեն որոշակի ինքնագիտակցություն․ գիտական բացահայտում

Ճապոնիայի Օսակայի համալսարանի գիտնականները պարզել են, որ ձկների մոտ կա որոշակի ինքնագիտակցության մակարդակ։

Մասնավորապես, նրանք ճանաչում են հայելային սեփական արտացոլանքը։ Այս մասին հայտնում է Asahi պարբերականը։ Մասնագետները պարզել են, որ արեւադարձային խութային շրթնաձուկը, երբ նրան տեղավորել են հայելիներով ակվարիումում, նախ գրոհել է սեփական արտացոլանքի վրա, ապա արդեն հինգ օր անց հանգստացել է եւ դադարել ուշադրություն դարձնել իր արտացոլանքին։

Մի շարք այլ ձկնատեսակների վրա նույն փորձարկումը կատարելով, գիտնականները եկել են այն եզրակացության, որ ձկների մոտ հնարավոր է կան որոշակի ինքնագիտակցության դրսեւորումներ, ինչպիսին ունեն դելֆինները եւ շիմպանզեները։