Աքարը կոչ արել Հայաստանին բացել արխիվները
Թուրքիայի ազգային պաշտպանության նախարար Հուլուսի Աքարը կոչ է արել Հայաստանին բացել իր արխիվները՝ ուսումնասիրելու 1915 թվականին Օսմանյան կայսրությունում տեղի ունեցած իրադարձությունները։
Նախարարի խոսքերը մեջբերում է Aydınlık թերթը։
«Մենք ևս մեկ անգամ կրկնում ենք մեր համառ կոչն այս հարցում. Հայաստանը, ինչպես և Թուրքիան, պետք է բացի իր արխիվները միջազգային պատմաբանների առաջ, ընդունի արդյունքները և չանհանգստանա դրա համար»,- ասել է Աքարը։
Նրա խոսքով՝ այս կոչին դեռ պատասխան չի տրվել։
Չնայած դրան, Անկարան հույս ունի, որ թուրք և հայ ժողովուրդները կարող են հարաբերություններ հաստատել բարեկամության և համագործակցության շրջանակներում, ասել է Աքարը։
Կարծիքներ