Ռենատա Լիտվինովային վրաերթի են ենթարկել․ ունի թեթեւակի վնասվածքներ

Ռուս թատրոնի եւ կինոյի դերասանուհի Ռենատա Լիտվինովային վրաերթի են ենթարկել Մոսկվայի կենտրոնում։ Այս մասին հայտնում է Mash տելեգրամ-ալիքը։ Դեպքը տեղի է ունեցել «Մակդոնալդս» ռեստորանի հարեւանությամբ։ Նա իր ծննդյան տարեդարձի օրը դուրս էր եկած եղել քաղաքում զբոսնելու։ Արտիստուհու ներկայացուցիչը պատմել է, որ Լիտվինովան հիվանդանոց է տեղափոխվել շոկային վիճակում, կոտրվածքներ չկան, կյանքին վտանգ չի սպառնում։

Վրաերթի ենթարկողը եղել է քսանութամյա Օլգա Չայկոն, ըստ նախնական տեղեկությունների, ով տուգանվել է երկու հազար ռուբլիով՝ հետիոտնին ճանապարհը չզիջելու համար։ Չայկոն էլ ասել է, որ Լիտվինովան եղել է ոչ սթափ՝ փողոցն անցնելիս։ Նա մանրամասնել է, որ արտիստուհին հրաժարվել է օգնությունից եւ պարզապես փախուստի է դիմել։