Վերջապես Հայաստանն ընդդեմ Ադրբեջանի գործով հայցադիմումը մուտք եղավ ՄԱԿ-ի Արդարադատության միջազգային դատարան
7-րդ գումարման Ազգային ժողովի պատգամավոր Տարոն Սիմոնյանը ֆեյսբուքյան իր էջում գրել է.
«ՎԵՐՋԱՊԵՍ Հայաստանի Հանրապետությունն ընդդեմ Ադրբեջանի Հանրապետության գործով հայցադիմումը մուտք եղավ ՄԱԿ-ի Արդարադատության միջազգային դատարան (ICJ) Խտրականության բոլոր ձևերի վերացման կոնվենցիայի խախտման հիմքով (CEDR)»:
Նշենք, որ Հայաստանի իշխանությունները դիմել են ՄԱԿ-ի Արդարադատության միջազգային դատարան՝ Ադրբեջանի դեմ դատական պրոցես սկսելու նպատակով:
Երեւանը պատրաստվում է պատասխանատվության ենթարկել Բաքվին՝ Ռասայական խտրականության բոլոր ձևերի վերացման կոնվենցիայի խախտման հիմքով: Հայաստանը մեղադրում է Ադրբեջանին տասնամյակներ շարունակ Հայաստանին ռասայական խտրականության ենթարկելու, հայ բնակչության կոտորածներ և խոշտանգումներ իրականացնելու մեջ:
Հայցը պահանջում է Ադրբեջանի նկատմամբ ժամանակավոր միջանկյալ միջոցների կիրառում:
Կարծիքներ