Միայն հաղթանակի համար ենք եկել Լատվիա. Մկրտչյան
Հայաստանի ֆուտբոլի ազգային թիմի պաշտպան Ստյոպա Մկրտչյանի կարծիքով ազգային ընտրանին Լատվիայի դեմ խաղում նպատակ ունի երեք միավոր վաստակել:
«Խորվաթիայի առաջնությունում մեկ հանդիպում եմ անցկացրել, բայց ինձ լավ եմ զգում: Եկել ենք Լատվիա միայն հաղթանակի, երեք միավորի համար: Այլ միտք չունենք: Թիմում ամեն ինչ կարգին է, լավ տրամադրված ենք: Մտածում ենք միայն Գերմանիա գնալու մասնին»,-լրագրողների հետ հանդիպման ժամանակ ասել է Մկրտչյանը:
Խոսելով Լատվիայի ընտրանու մասին` ազգային թիմ պաշտպանը շեշտել է, որ մրցակիցը լավ թիմ ունի` ֆիզիկապես ուժեղ և բարձրահասակ ֆուտբոլիստներով: Հայ ֆուտբոլիստի համար առաջիկա խաղում ֆավորիտներ չկան:
Կարծիքներ