Գրավոր հարցումներ (լրագրային շանսոն)

ՀՀ կառավարությանը

Ճի՞շտ է, արդյոք, որ Նիկոլ Փաշինյանի «Մերսեդեսը» «զադնի սկորուստ» չունի…

ՀՀ Նախագահին

Ձերդ գերազանցություն պարոն նախագահ, ինչո՞ւ էիք Նիկոլ Փաշինյանի հետ հանդիպմանը ձեռնափայտով, և իրականությանը համապատասխանո՞ւմ են, արդյոք, այն խոսակցությունները, որ Փաշինյանի հետ հանդիպումներից առաջ միշտ եք «փայտն առնում ձեռքը»:

ՀՀ ՍԴ նախագահին

Պարոն Թովմասյան, մեր կարծիքով՝ ՀՀ վարչապետ Նիկոլ Փաշինյանը մեծապես նպաստեց Ձեր հեղինակած Սահմանադրության և Սահմանադրական դատարանի վարկանիշի բարձրացմանը: Ի՞նչ կասեք այս մասին:

ԱԱԾ նախկին պետ Արթուր Վանեցյանին

Պարոն Վանեցյան, երբ Ձեզ ոչ այն է ազատեցին աշխատանքից, ոչ այն է՝ Դուք հրաժարական տվեցիք, ԱԺ միակ անկախ պատգամավոր և համատեղության կարգով օտարերկրյա գործակալ Արման Բաբաջանյանն իր կայքում գրեց, որ ԱԱԾ-ում դեռ շատ վանեցյաններ են մնացել, որոնցից պետք է ազատվել հանուն հեղափոխության: Այսօր Արման Բաբաջանյանի՝ սեռական բնույթի հայհոյանքներին արժանացած հանրությանը, որն ի դեպ, պատրաստվում է պատասխանատվության ենթարկել այդ դեպուտատին, հետաքրքրվում է՝ ուրիշ ինչե՞ր գիտեք Արման Բաբաջանյանի մասին:

ՀՀ ԱԺ նախագահ Արարատ Միրզոյանին

Պարոն Միրզոյան, ե՞րբ է մարտի գնալու ԱԺ նախագահությունը: Էն մի մատ երեխեքին տալիս եք կրակի բերան, հասցնում եք բանտի դուռը, որ ի՞նչ անեք…

ՀՀ ԱԺ պատգամավոր Վահագն Հովակիմյանին

Քո օրենսդրական նախաձեռնությունը քո դուրը եկա՞վ:

Բարձրլեռնային ռեստորանի սեփականատիրոջը

Պատմական կտրոնը խփեցի՞ք, թե՞ ոնց… Գիտեք, չէ՞, որ Փաշինյանը սիրում է ծեծած տեղը ծեծել:
Ընթերցողների հարցերը համակարգեց՝

Էդիկ Անդրեասյան